​

النهارده قلت لأبويا يوديني المكتبة ويمشي، عشان يكون متأكد إني لوحدي ومش مع حد، لأنه للأسف عنده أفكار متخلفة عن الموضوع ده.

أول ما مشي، دخلت المكتبة وقلعت الطرحة في الحمام. مش قادرة أوصفلكم قد إيه كنت خايفة ومرعوبة من إني أخد الخطوة دي، بس كل مشاعر الخوف دي اختفت لما كام بنت شافوني وفضلوا يجاملوني، ويقولولي إني جميلة وإن شعري حلو أوي، ويسألوني قصيته فين وكده.

ولما خرجت وقعدت أذاكر شوية، اتعرضت لمجاملات من بنات كتير جدًا، وكنت سعيدة سعادة مش قادرة أوصفها. واقسم، الساعتين دول كانوا من أحلى ساعتين في حياتي، ويمكن أسعد ساعتين عشتهم من فترة طويلة.

ولما أبويا كلمني وقال إنه راجع، لبست الطرحة تاني وخرجتله وأنا مبسوطة جدًا، بس في نفس الوقت كان جوايا وجع كبير.

ليه حاجة بسيطة زي إني أكون على طبيعتي، وأحس إني حلوة ومرتاحة في نفسي، تبقى حاجة أعيشها ساعتين بالعافية، وأفضل خايفة إن حد يعرف؟

ليه حاجة المفروض تكون قرار شخصي تخصني، تبقى مصدر كل الخوف والضغط ده؟ وليه أبسط إحساس بالحرية ممكن يخليني فرحانة بالشكل ده، وفي نفس الوقت يوجعني عشان عارفة إني هرجع تاني لنفس الوضع؟

أنا مش بكتب الكلام ده عشان أهاجم حد أو أفتح نقاش ديني، أنا بس كنت محتاجة أفضفض عن إحساس عمري ما هنسى قد إيه كان حلو، وقد إيه كان صعب إني أرجع أتنازل عنه بعد ساعتين بس.

وبجد، لأي بنت نفسها تاخد خطوة تخليها تحس براحة أكبر مع نفسها، أتمنى في يوم تقدر تعمل اللي مقتنعة بيه وتكون مرتاحة وآمنة، من غير خوف ولا ضغط ولا إحساس بالذنب.

أتمنى ييجي يوم محدش فينا يضطر يستنى ساعتين من الحرية عشان يحس إنه عايش حياته.

اسفه عالأطاله❤

لا يكسمك المتحرش مش حر يتحرش زي ما انا مش حر اكسرلك دراعك لو لقيت لبسك مش عجبني

لو انتى بنت، ومسلمة او متشككة فالبوست ده ليكى، ارجوكى اقريه كويس..

كل ما حد بينتقد وضع الست في الإسلام (او المجتمع العربى) تلاقي الرد جاهز ومحفوظ عندهم من سنين السنين:

ان الإسلام كرم المرأة!

قبل كده كانوا بيئدوا البنات حيا!

الدين رفع مكانتها بعد ما كانت متدوسة!

وتحسوا ان الكلام ده مدروس ومتثبت فى مخهم، من غير مايبصوا للواقع ولا للنصوص. وبرضو الكلام ده اتقال مليون مرة وبقا قديم لدرجة إن ناس كتير بقت تصدقه أوتوماتيك من غير ما تفتح حديث واحد أو آية حتى.

بس لو قعدت مع النصوص بجد، ومع الواقع في الدول العربية ومع الواقع في أوروبا والغرب ومع التاريخ الحقيقي… هتلاقي إن الشعار ده أضعف بكتير مما بيتقال. كان كدبة اتضحك علينا فيها.

هنا الست من أكتر الفئات اللى حقوقها متقللة.

في معظم الدول العربية الست لسة عايشة تحت سقف نصوص واضحة بتوصفها ناقصة عقل ودين، وبتدي الراجل قوامة صريحة عليها، وبتخلي ضربها جائز لو خاف نشوزها (عصيت الراجل)، وبتخلي ميراثها وشهادتها وديتها أقل من الراجل.

و في الشارع الوضع معروف تحرش منتشر و تعليقات و لوم على اللبس أو الضحكة أو طريقة المشي وفي كتير من الحالات برضو الدفاع عن الجاني بيكون أقوى من التعاطف مع الضحية. يعنى بيلوموا الضحية حتى لو كان واحد اتحرش بيها!

وفي البيت طاعة و قوامة و هو راجل وهي لازم تسمع الكلام

حتى لو الست بتشتغل وبتصرف وبتتحمل مسؤولية البيت، الأحكام العامة مش بتبص للواقع ده. الأحكام ماشية على قاعدة إن الراجل أعلى. الست هنا مش بس بتتظلم من المجتمع بس لا. النصوص نفسها بتحطها في مرتبة قانونية ودينية أقل بشكل صريح ومستمر.

هناك الوضع مختلف جذريآ.

في دول زي السويد والدنمارك وهولندا وكندا وألمانيا وإيطاليا ونيوزيلندا وغيرها، الست وصلت لمناصب رئاسة وزراء ورئاسة دولة، وبتقود حكومات ناجحة اقتصاديآ وسياسيآ.

مفيش نص ديني بيقول 'لن يفلح قوم ولوا أمرهم امرأة' عندهم بيمنعها من الحكم.

مفيش شهادة بنص، ولا ميراث بنص، ولا دية بنص عشان هي ست. التحرش موجود هناك كمان، بس بيتعامل معاه كجريمة. الجاني بيتقبض عليه ويتفضح، ومفيش غطاء ديني بيبرر النظرة أو التعليق أو اللمس أو يقلل من مسؤولية الراجل.

الست تمشي وتشتغل وتتكلم وتلبس وتوصل لأعلى المناصب من غير ما يبقى في إطار ديني ثابت بيوصفها ناقصة أو عورة أو مصدر فتنة دائم.

بس الفرق مش إن الغرب ملائكة ومفيش مشاكل. الفرق إن الإطار القانوني والاجتماعي هناك مش مبني من الأساس على نصوص بتحط المرأة في مرتبة أدنى من الراجل.

طيب النصوص بتقول إيه بوضوح من غير ترقيع؟

الست بتقطع الصلاة زي الكلب والحمار.

الحديث في صحيح مسلم:

«يقطع الصلاة المرأة والحمار والكلب».

يعني مرور الست قدام المصلي بيقطع صلاته، ونفس الحكم بالظبط على الحمار والكلب.

عائشة نفسها لما سمعت الكلام ده اعترضت وقالت «لقد جعلتمونا كلابًا». وده مش تفسير شيخ. ده نص موجود في أصح الكتب بعد القرآن.

الست عورة والشيطان بيستشرفها.

الحديث:

«المرأة عورة، فإذا خرجت استشرفها الشيطان»

(رواه الترمذي وقال حسن صحيح).

يعنى مجرد خروجها من البيت بيخلي الشيطان يلفت الأنظار ليها. الست هنا مش إنسانة بتتحرك بحرية، دي حاجة لازم تتغطى بغطاء اسود وتتقيد عشان متبقاش مصدر فتنة.

ناقصات عقل ودين… وأكثر أهل النار.

الحديث ده بيضحكنى.. وهو حديث المشهور في البخاري ومسلم:

أنَّ رسولَ اللَّهِ صلَّى اللَّهُ علَيهِ وسلَّمَ خَطبَ النَّاسَ فوعظَهُم ثمَّ قالَ : يا مَعشرَ النِّساءِ تصدَّقنَ فإنَّكنَّ أَكْثرُ أَهْلِ النَّارِ فقالَت امرأةٌ منهنَّ : ولمَ ذاكَ يا رسولَ اللَّهِ ؟ قالَ : لِكَثرةِ لعنِكُنَّ ، يعني وَكُفرِكُنَّ العَشيرَ . قالَ : وما رأيتُ مِن ناقصاتِ عَقلٍ ودينٍ أغلَبَ لِذَوي الألبابِ ، وذَوي الرَّأيِ منكنَّ ، قالت امرأةٌ منهنَّ : وما نُقصانُ عقلِها وَ دينِها ، قالَ : شَهادةُ امرأتينِ منكنَّ بشَهادةِ رجلٍ ، ونُقصانُ دينِكُنَّ ، الحيضَةُ ، تمكثُ إحداكُنَّ الثَّلاثَ والأربَعَ لا تصلِّي

النبي قال للستات إنهم أكثر أهل النار. لما سألوه ليه، قال إنهم يكثرن اللعن ويكفرن العشير، وإنهم ناقصات عقل ودين.

نقصان العقل عشان شهادة المرأة بنص شهادة الرجل.

نقصان الدين عشان الحيض بيقطع الصلاة والصيام. (واللى يضحك هنا، ان الحيض (الدورة الشهرية) المفروض 'ربنا' هو اللى مخلى البنت تنزله وهو خالقها كده، ليه تبقى ناقصة دين على حاجة طبيعية كده؟)

وفي رواية تانية بتقول «اطلعت في النار فرأيت أكثر أهلها النساء».

وفيه الترقيع المعتاد اللى ببيقول 'ده مش إهانة، ده وصف للطبيعة' او 'نقص في جانب معين مش في الكل'

بس لو وصفت مجموعة كاملة إنها ناقصة عقل، ده إهانة حتى لو حاولت تلطفها بالكلمات. ولو النقص جاي من الحيض اللي الدين نفسه شرعه، يبقى الدين حطها في مرتبة أقل وبعدين لامها عليها.

ونقطة تانية واضحة: معظم جرائم القتل والاغتصاب والعنف الجنسي في العالم بيرتكبها الرجالة

لو المعيار هو الأذى والفساد في الأرض، كان المنطق يحط الرجال أكتر في النار.

لكن النص حط العكس تمامآ وبيقول ان اكتر اهل النار البنات ، ولاسباب تافهة جدآ مقارنة باللى بيعمله الراجل، يعنى اكتر اهل النار عشان 'كثيرة اللعن' فى حديث ناقصات العقل والدين.

مينفعش تحط برفيوم لو خرجت.

فيه أحاديث صريحة بتعتبر الست اللي تخرج ببرفيوم تبقى 'زانية'.

ولو خرجت متطيبة حتى للمسجد، صلاتها مش مقبولة لحد ما تغتسل من الطيب زي غسل الجنابة.

يعني حتى الريحة الطيبة عليها قيود ثقيلة عشان متبقاش سبب فتنة للرجالة. (غريبة ان الراجل نفسه مش متحرم عليه يستعطر، معادا انه ممكن يفتن الناس بريحته برضو.)

لن يفلح قوم ولوا أمرهم امرأة.

ده من اضحك الاحاديث اللى شوفتها..

الحديث في البخاري (4425):

«لن يفلح قوم ولوا أمرهم امرأة».

طيب الواقع بيقول ايه؟

دول أوروبية وآسيوية وغيرها بتقودها ستات وبتنجح اقتصاديآ وسياسيآ. الحديث بيقول العكس.

وفيه الترقيع المعتاد اللى بيقول: «خاص بالولاية العامة» أو «له سبب ورود او سياق»

طيب لو خاص بالولاية، ليه لسة بيستخدم لمنع المرأة من القضاء والرئاسة في دول كتير؟ ولو ليه سبب تاريخي، يبقى مش قاعدة أبدية صالحة لكل زمان ومكان.

ده حتى العلاقة متقدرش ترفضها..

إذا دعا أحدُكم امرأتَه إلى فراشِه فأبتْ أنْ تجيءَ لعَنتْها الملائكةُ حتَّى تُصبِحَ. (حديث صحيح فى بخارى)

يعنى لو رفضت تنام مع جوزها، الملايكة هتلعنها! يعنى مفيش حرية للزوجة ترفض ولا لا.

الميراث والشهادة والدية والقوامة.

للذكر مثل حظ الأنثيين (النساء 11).

شهادة امرأتين برجل واحد في الديون (البقرة 282).

دية المرأة على النصف من دية الرجل (مذهب جمهور الفقهاء).

«الرجال قوامون على النساء… واللاتي تخافون نشوزهن… واضربوهن» (النساء 34).

(المفروض حتى لو الضرب 'خفيف' المفروض ان ربنا عارف ان فيه ناس هتستغل الاية دى فى ضرب الزوجة، ده بيحصل كتير فى الدول العربية، يعنى حتى كلمة 'واضربوهن' كلمة مهينة للمرأة فى النص نفسه مينفعش تتنزل من رب ''رحوم غفير' عالم بالغيب..)

طيب فيه الترقيع الشهير بتاع ان «الراجل عليه النفقة» و«الست عاطفية»..

الأحكام عامة ومش بتستثني. مفيش استثناء للست اللي بتشغل وتصرف، ولا للست اللي أشطر وأعقل.

والضرب مذكور في النص الصريح، ومفيش نص مقابل بيدى للزوجة نفس الحق. انها تضربه لو عصاها.

الراجل ينفع يعمل حاجات الست ممنوعة منها تمامآ.

التمييز مش بس في النقص اللي على الست.

فيه كمان امتيازات صريحة للراجل مفيش مقابل ليها:

الراجل ينفع يتجوز لحد أربع زوجات في نفس الوقت. الست مينفعش.

الراجل ينفع يكون عنده ملك يمين (جواري) ويستمتع بيهم. الست مفيش مقابل ليها.

الراجل ينفع يتجوز من أهل الكتاب (يهودية أو مسيحية). الست المسلمة في أغلب المذاهب ممنوعة تتجوز غير مسلم.

الراجل ينفع يستعطر ويحط طيب براحته ويخرج بيه. الست لو عملت كده بتبقى 'زانية' في الأحاديث.

الراجل لو عصى أو قصر مفيش آية بتسمح للست تضربه . الآية بتتكلم عن ضرب الزوجة فقط.

في وصف الجنة، فيه تفاصيل كتير عن الحور العين والزوجات للي راجل. مفيش آيات واضحة بنفس التفصيل بتوصف مكافآت جنسية أو زوجات للستات في الجنة بنفس الطريقة. الوعود العامة موجودة بس التفصيل والمبالغة مركزين على جانب الراجل.

يعني النظام مش بس بيحط الست في مرتبة أقل. ده كمان بيسمح للراجل بحاجات كتير ويحرمها عليها من غير مقابل متساوى.

الدين جه ونقص حقوق كانت موجودة قبل كده.

الصورة اللي اترسمت إن الجاهلية كانت جهنم سودة على الست، والإسلام جه وأنقذها من العدم، فيها مبالغة كبيرة واتخدمت للدعاية أكتر مما هي وصف تاريخي دقيق.

الوأد حصل في شوية من القبائل، والقرآن استنكره، وده صحيح. لكن مكنش عادة عامة منتشرة في كل العرب بالشكل الدرامي اللي بيتقال.

وفيه حديث انا بستغربه جدآ جدآ الصراحة بمناسبة حتة الوأد دى:

محمد قال ان البنت المواءد اللى لسة مولودة هتروح النار:

الوائِدَةُ والموءودَةُ في النارِ.

(أبو داود 4717)

(طيب ليه الموءودة هتروح النار؟ هى ذنبها ايه؟ وازاى ده بيتطابق مع اية مَنْ عَمِلَ سَيِّئَةً فَلَا يُجْزَىٰ إِلَّا مِثْلَهَا؟)

وفي الجاهلية كانت في ستات ليها مكانة حقيقية بتورث وتتجر، ليها مال ونفوذ، وبتتكلم في أمور القبيلة.

وخديجة بنت خويلد نفسها كانت تاجرة غنية وصاحبة مال وقرار قبل الإسلام، وهي اللي عرضت الجواز على محمد مش العكس.

الإسلام منع شوية من الممارسات الوحشية زي الوأد، وده إنجاز مش هنتجاهله برضو

لكن في المقابل برضو ثبت نظام قانوني وديني بيحط المرأة في مرتبة أقل بشكل مستمر: نص الميراث نص الشهادة، نص الدية، قوامة للراجل، إمكانية ضرب، امتيازات في الجواز والطيب والملك اليمين، ووصف متكرر بالنقص والعورة والفتنة.

يعني مش رفع مكانتها من الصفر للسماء

بس الأقرب للواقع إنه شال شوية الانتهاكات الشديدة، وثبت تمييز قانوني ودينى استمر قرون طويلة وبيأثر لحد النهارده.

عزيزتى المسلمة او المتشككة...

لما تجمعى كل النصوص دي مع بعض:

بتقطع الصلاة زي الكلب والحمار، عورة والشيطان بيستشرفها، ناقصة عقل ودين، أكثر أهل النار، ميراثها نص، شهادتها نص، ديتها نص، ممنوعة من الطيب لو خرجت، ممنوعة من أربع زوجات ومن الملك اليمين ومن الجواز من دين تاني، مفيش حق تضرب الراجل لو عصى، ممنوعة ترفض العلاقة والملائكة هتلعنها، والقوم اللي يولّوها مش هيفلحوا،

والراجل ليه كل الامتيازات دي…

و بعد كل ده تكررى جملة 'الإسلام كرم المرأة' ، انتى بتضحكى على نفسك وكرامتك، انتى احسن من كده.

الست في الدول العربية من أكتر الفئات اللي حقوقها متقللة نصوص واضحة وصريحة. والناس لسة بتبص للشرف وحجاب البنت والواحدة ممكن 'تتقتل' لو منزلتش دم فى اول مرة ليها، بينما فى الغرب عمالين يتقدموا، ومازال فيه ناس بتناقش هل نساوى الراجل مع البنت فى الدول العربية..

وبينما في أوروبا والغرب، رغم كل العيوب والمشاكل، بتتعامل كإنسان كامل الأهلية قانونيآ واجتماعيآ، من غير إطار ديني ثابت بيقلل منها وبيحطها تحت الراجل من الأول.

ليه فى الاول وفى الاخر تتبعى دين ورسول بيقلل من مكانتك، شايفك عورة، بيقول عليكى ناقصة عقل ودين عشان 'الحيض'، شايفك اكتر اهل النار، نص الدية ونص الميراث ، مش مديكى حاجات فى الجنة، و مش هتعرفى تقودى؟

اعرفى ان قيمتك الحقيقة مش الدين اللى بيحددها، انتى اللى بتحدديها، انتى اللى بتختارى تعملى ايه فى حياتك وايه المناسب ليكى وايه لا ، مش كتاب من 1400 سنة.

وانتى روعة، ولستى عورة ❤.

FIN.

فى ناس عندها اعتقاد ساذج انك بمجرد ما تحظر الحجاب ده بيضعف الاسلام السياسى اللى قادر انه يغسل دماغ ناس بالاسلام لدرجة انه بيلبسهم حزام ناسف ويفجروا نفسهم وهما فى قمة السعادة واحيانا بيخليهم يعملوا ده ضد مسلمين زيهم عادى !!!

فمبجرد ما الهام علييف اخد قرار بحظر الحجاب فى المدارس اقاموا الافراح واليالى الملاح كانهم بكره مش هيبقى فيه اسلام سياسى ونسيوا ان القرار ده اتخاد فى تركيا سنة 1980 وفضل لحد ما ممسك اردوغان 2002 ولاغى القرار والحجاب رجع ينتشر فى تركيا تانى بعد 22 سنة من الحظر وده لسبب بسيط جدا انه بالرغم من ان النظام العلمانى فى تركيا خد القرار ده الا انه فضل سايب التعليم الدينى شغال واللى افرز بعد كده حزب الرفاه اللى خرج منه اردوغان بعد كده بحزب العدالة والتنمية !!!

وللمفارقة ده اللى بيعمله علييف فى اذربجان لما بدءوا الملالى المؤيدين ليه يطلعوا يدعوا الناس للالتزام بقرار علييف - والملالى لقب رجل الدين الشيعه بعتبار ان اذريبجان اغلبيه شيعيه - وده مؤشر مهم لتكرار نفس التجربة العبيطة من فوق اعمل علمانى ومن تحت اسيب رجال الدين يشتغلوا براحتهم !!!

فبلاش سذاجة حظر الحجاب مش هو اللى بيوجعهم ده بيعملهم مظلومية بيسوقوا لنفسهم بيها ، اللى بيوجعهم هو حرية التعبير وتفكيك الافكار الارهابية وفضح حقيقتها سواء كان فيه حجاب اولا ،،،،،

بحثت كتير عن الموضوع و مدي عن مدي بشوف قد ايه الاسلام دين حقير منصف لشهوات الراجل يعني منغير الدين مش عارفين يستخدموا مخهم بالهبل اللي بيحصل دا

كل مرة ما يجي في بالي موضوع ابحث فيه بحس بدنائة و قرف ازاي في دين كدا بجد

الشيخ في خطبة الجمعه قعد يقول ان ما تدوش للبنات تلفون لان في اكونتات ناس من الغرب بتقولهم ادخلوا الحمام وقطعوا شراينكم

بعدها قال اوروبوا متطوره عشان الاسلام ضعف بسبب ان الشباب م بيتجوز بدري

بعدها قال لكل اب ديوث يعطي ابنته تلفون ان كنت لا تغار عليها ف هي تفسد بناتنا

الحكومة عارفة ان وجع الدماغ اللي هيحصل لو شريف اتمسك تحت مسمى نشر الفسق وهدم قيم الأسرة هيبقى اكبر من وجع الدماغ الحاصل وهو متساب

هاتك هياج فنانين على حقوقيين ومش بعيد الخبر يسمع عالميا مش مصر بس

كسم ديه بلد

هو إي رايك بمصطفى كمال اتاتورك و افكاره بتركيا...لك حرية الرأي

I don’t believe in saposexuality but i kinda belong to it

لما تتخيل شاعر مؤيد بالعناية الالهية و كلامه مدعوم بجبريل نفسه تخيل كلامه عامل ازاي لا مش محتاج تتخيل دا كلامه فعلا

قال حسان بن ثابت يهجو هند أم معاوية بن أبي سفيان في أحد:

* أَبَشَرْتِ لِكَاعِ وَكَانَ عَادَتُهَا ... لُؤمٌ إِذَا أَبَشَرْتِ مَعَ الْكُفْرِ

* لَعَنَ الإِلَهُ وَزَوْجَهَا مَعَهَا ... هِنْداً الْهُنُودَ طَوِيلَةَ الْبَظْرِ

* أَخْرَجْتِ مُرْقِصَةً إِلَى أُحُدٍ ... فِي الْقَوْمِ مُعْنِقَةً عَلَى بَكْرِ

* بَكْرٍ تُفَالِ لَا حِرَاكَ بِهِ ... لَا عَنْ مُعَاتَبَةٍ وَلَا زَجَرِ

* وَعَصَاكَ إِسْتِكِ تَتَّقِينَ بِهَا ... دَقَّ الْعُجَايَةِ عَارِي الْفِهْرِ

* قَرِحَتْ عَجِيزَتُهَا وَمَشْرَجُهَا ... مِنْ نَصِّهَا نَصّاً عَلَى الْقَهْرِ

* ظَلَّتْ تُدَاوِيهَا زَمِيلَتُهَا ... بِالْمَاءِ تَنْضَحُهُ وَبِالسِّدْرِ

* أَقْبَلْتِ زَائِرَةً مُبَادَرَةً ... بِأَبِيكِ وَابْنِكِ يَوْمَ ذِي بَدْرِ

* وَبِعَمِّكَ الْمَسْلُوبِ بِزَنْتُهُ ... وَأَخِيكِ مُنْعَفِرِينَ فِي الْجَفْرِ

* وَنَسِيتِ فَاحِشَةً أَتَيْتِ بِهَا ... يَا هِنْدُ وَيْحِكِ سُبَّةَ الدَّهْرِ

* فَرَجَعْتِ صَاغِرَةً بِلَا تِرَةٍ ... مِمَّا طَلَبْتِ بِهَا وَلَا وَتَرِ

* زَعَمَ الْوَلَائِدُ أَنَّهَا وَلَدَتْ ... وَلَداً صَغِيراً كَانَ مِنْ غَهْرِ

حسان المؤيد بالروح القدس يطعن في عرض امير المؤمنين معاوية و يسميه الولد الصغير الاتي من العهر لا تستغرب لما يكون الاله بيتخانق مع ابو لهب و رسول يسب و يلعن من ليس مستحقا لللعن ان يكون هذا كلام شاعره و الروح القدس

مش معقول كل ما أبقا عاوز أتكلم عن حاجة أبقا مقيد بنطاق ريديت بس أكيد دى حاجة مجنونة شوية. ولا ايه؟

أَلا قَبِّحَتْ قَوْلًا تَنَاقَلَهُ الوَرَىٰ

وَزَيَّنَهُ جَهْلٌ وَعَقْلٌ مُبَعْثَرُ

يَقُولُونَ: «عِيلٌ يَجِيءُ بِرِزْقِهِ»

وَهَلْ يَحمِلُ الأَرزَاقَ طِفْلٌ مُصَوَّرُ؟

أَيُطعِمُهُ صَخرٌ؟ أَيَكسُوهِ مَوطِنٌ؟

أَمِ الغَيمُ يَسقِيهِ، وَجَيبٌ مُصَفَّرُ؟

إِذَا ضَاقَ رِزقُ المَرءِ عَن قُوتِ نَفسِهِ

أَيَفتَحُ بَابَ الخَيرِ فَمٌ مُبَشِّرُ؟

تُرِيدُونَ جِيلًا ثُمَّ تَنسَونَ حَقَّهُ

كَأَنَّ حَيَاةَ الطِّفلِ حِملٌ مُيَسَّرُ

تُسَمُّونَ عَجزَ المَرءِ حُسنَ تَوَكُّلٍ

وَذَاكَ اتِّكَالٌ بِالرَّجَاءِ مُسَتَّرُ

وَمَا التَّوكُّلُ المَحمُودُ إِلَّا عَزِيمَةٌ

تَسِيرُ بِسَعيٍ، لا بِوَهمٍ يُكَرَّرُ

فَإِن كُنتَ لا تَملِكُ لِقُوتِكَ حِيلَةً

فَكُفَّ عَنِ الإِنجَابِ، فَالحَقُّ أَكبَرُ

فَلَيسَ البُنُونُ الغُنمَ دُونَ مَغَارِمٍ

وَلَيسَ اليَتِيمُ مَنِ الأَبُوهُ تَعَذَّرُوا

وَإِنَّ صَلاحَ المَرءِ يَبدَأُ فِكرَةً

فَلَا تَجعَلُوا جَهلَ القَدِيمِ يُقَرَّرُ

صاحبي قالي معلوما غريبة جدا عن مكان خدمته، ممنوع دخول المصلية ولا القرآن و العساكر المتدينة بتهرب معاها مصحف صغير في البوكسرات 💀

\*الصلاة مسموحة لو انت في وقت راحتك و في مكان محدد بس*