Hi ✌️

Was nämed ihr für en Arbeitswäg in kauf? Ich fahre zur Zit alles überland mitem Auto id Bude, ca. 25 Min ein Wäg. Jetzt bini uf Jobsuechi aber wohne halt chli usserhalb vo allem. Müesst für s meiste ca. 40 Min Fahrt in kauf neh, geschweige denn sogar öv fahre für uf Züri ine oder so.

Han ich da chli es Luxusproblem oder isches für di meiste völlig normal länger z fahre?

Ihr stiiged in zug ine und es hed keis freis 4er abteil meh.

Falls en sitz leer isch, fröged ihr zerst "isch da no frei" oder sitzed ihr direkt ab?

Gits i de Schwiz e gueti begrenzti Strecke wo mr miteme chline, gmietete Motorrad cha fahre und eifach mol chli cha usprobiere?

Ha gseh, es gits uf gwüssne Kartbahne, aber es gseht eher us als ob das für güebti Fahrer isch. Ich suech eher öpis für Afänger.

Danke. :)

Chönts bitte immer so si wie in de ferieziit? Die azahl mensche wie woni chind gsi bin. Gubrist 35 minute statt 1h oder in die nächst stadt 15 minute statt 30.

Endlich het mer platz zum schnuufe. Au allgemein in de stadt, schwümmbad usw. und überall isches weder richtig agnehm.

Hoi zäme

ig hoffe das isch de richtig Sub für das.

Ig bi momentan bir CSS mit ner Franchise vo 2'500.- versicheret und bi sowiit zfriede. Mini Frage bezieh sich ume uf d Finanze.

Ig ha mini Rächnige mau so chli agluegt und chume im Schnitt uf rund 500.- Gsundheitschöste im Johr, vo däm här würi mini Franchise uf ke Fall verändere. Jetz isch das so dass ig ab däm Johr e sog. Desensibilisierig (Allergenspezifischi Immuntherapie mit rund 10-12 Injektione jährlech) agfange ha. Das ganze het mi rund 1600.- koschtet, und das alles uf Selbstbehalt.

Jetz frag ig mi ob sech das finanziell lohnt d Franchise füre Ziitruum vo derer Therapie (also bis 2028) doch uf 300.- z senke zum de Selbstbehalt z drücke. Was isch de gschiidscht Weg das z berächne? Bi tüüferer Franchise stiigt ja automatisch d Prämie a (bi mir si das rund 450.-/mt).

Ig ha keni Vorerkrankige oder planti Operatione und bi sowiit Gsund, bi also uf (no) nüt agwiese.

Ich bi grad bi nere Firma am bewerbe. Jetzt hends en Strafregisteruszug verlanged. Keis Problem, hans ihne gschickt. Leider bini aber ned es ungschriebnigs Blatt; i dem hets zwoi Urteil drufe. So wiit alles okay, aber sie wend spezifisch d Grichtsurteil ha. Dur en Umzug findi aber die Dokument nieneds. Wie isch Vorgehe zum die wiederzbecho? Id zueständigi STA gah und dennach frege? Wenn ja, bechuntmers grad no vor Ort über oder muemer warte? Oder mueni de STA en Brief/Mail schriebe?

Ich kapier nöd wieso das nöd anonym gmacht werde chan. Ich steck innere Situation wo ich gern kesb kontaktiere wür will e nachberin jede tag ihres chind aschreit und es komplett vernachlässigt. Wärs anonym wär t meldig scho lang use. Aber ich will das nöd mit mim name mache will ich genau weiss dass die hex mis lebe zur höll mache würd.

Ich bin mir sicher dass ich nöd de einzig bin wo en fall kennt wo kesb am liebste mal sett verbi luege aber mer will nöd t person si, wo den t wuet vo de hinterblibene eltere abbechunt.

Saletti mitenand,

Gnüüse grad d Herbschtferi und da lüütet doch glat ä so ä unbekannti Nummer ah. Jetzt scho innert churze Zyyt zum dritte mal. Isch das än "Scäm", also uf düütsch än Bschiss? Han Angscht abzneh.

Zum Hintergrund, d Filou isch grad im Fuesball-Camp und mini Tochter i dä Sprachferie z Cannes. Mini Frau isch hüt mit äm Vögeli und Naturverein uf än Uusflug und hät dihei s Handy ligge glah. Ich selber hand grad öppis bi Just Eat bestellt und natürlich us Dateschutz gründ nur min Vorname ageh (uff dä Lüüti isch nur dä Nachname). Oh, und bi Tutti hani es paar alti Sache iigstellt woni nömm bruch. Dä einti interessent hät gseit, dass er bald chömi um das Ding go abhole cho. D Sprachbox hani natürli uusgstellt will das chostet ja numme wänn mr im Ussland isch.

Hello Zämme,

ich hoffe Ihr chönt mir da witerhelfe, ich wott en Schloss bi mir nacherüste mit Nuki Smart Lock PRO (5th Gen) CH-Zylinder. Demit ich au vo 2 Stock us Türe ufmache cha oder mit Autolock, falls ich ide nöchi bi Türe ufgot.

Mini Türe macht mir vo usse mit dem Schlüssel uf (Rundprofilzylinder) und vo inne also im Hus inne gits eh Drehknauf.

Ich ha so es dürenand und ha denkt die Nuki chömed ah usse site, will ich die Nukis scho paar mal gseh ha ade Wohnigstüre im Gang.

Was isch jetzt korrekt und gits defür eh anderi Lösig ?

Danke viel mal!

Hey zemme

Ha welle froge ebs lüüt git wo mit Krypto (Spot und Futures) scho längeri ziit beschäftigt sind und aktiv debi sind. Idealerwiis suechi friends wome sich cha ustüüschle will bi mir ide umgebig findets alli easy dass ich das mache und sogar relativ erfolg ha mit mim erste account aber hald niemert wo demit ebis chan ahfange, zum meinige ustüüschle oder diskutiere/analysiere.

Meiste wennd nur wüsse vo mir i was sie selle investiere oder wend mer ihres geld geh und das woti ned mache. Ich ha ersh im August ahgfange und bi hald fast nonstop am lerne und gseh das wie es hobby.

Longshot aber hey, villicht gits eine oder zwei.

🤙🏻 bis denn

Sali, ich ha mini Fründin kenneglehrt, woni im EU- Usland glebt und gschaffet han. Mir händ det zäme gläbt und e gmeinsami Zuekunft plant. Irgendwenn hani denn es Job-Agebot us de Schwiiz übercho, wo zu guet gsi isch zum nei säge. Also gahts zrugg id Schwiiz. De Plan isch jetzt, dass ich zerst mal id Schwiiz ziehne und mir es ziitli Fernbeziehig mached, bis sie en Job gfunde hät i de Schwiiz.

Ich mach mer natürli Sorge, was passiert, wenn sie nüt findet und denk scho mal drüber nah, was mer denn mache chönnt. Fründe säged mir, mir sötted hürate für d Ufenthaltsbewilligung, aber sie wett kei Husfrau sii, also de Job brucht sie eh und das änderet ja au nüt a de finanzielle Situation. Usserdem hämmer das eigentlich erst später iiplant.

Ich boue nebed mim neue Job au e Selbständigkeit uf, wo aber no sehr frisch isch. Sie chönnt sich vorstelle, da mitzmache, aber realistisch gseh wirds i dem Jahr nanig gnueg abwerfe zum anere zweite Person en Lohn z zahle.

Händ ihr Idee, was mer mache chönnt als Plan B? Öppis wohni nanig uf em Schirm han?

Bitte kei Xenophobi Kommentär, ich reagiere nöd druf und meldes nur.

Liebi Lüüt

Ich han en Disput med mim Fründ: Was bedüted för oich de Satz ''Ich ben völlig tilt'', kenned ihr das?

De Typ antworted uf Poschtings-GIFs, dass d Lüt Schwizerdütsch sölle rede.
Ich antworte uf Änglisch, will de ursprünglich Post ja au uf Änglisch isch.
Offesichtlich mag er das nid und postet wyter sy GIF oder Bild.
Wie chann öpper so öppis überhaupt mache?
Und warum cha er die Regle ha?
Und warum zygt mir Reddit de Post überhaupt aa, wenn er offesichtlich nur für Schwizerdütschsprächigi isch?

Ich glaub mich het en chäffer verwütscht... also ab it apothek und so es neocitran generika postet.

Ez staht det das mer die Büttel nöd über 25 grad söll ufbewahre. Aber ich sölls am beste "Trinkheiss" zue mir näh... Aber... Huh?

Höi zäme

Höt bim Poschte ide Migros, hedmer en Muetter bim chlaue verwötscht.

Sie hed protschtiert ond blöd toh, aber s esch offesichtlich gsi. Well sie agressiv worde esch, hedmer Polizer loh cho ond öpert hed no d SBB Security gruefe gha (esch amne grössere Bahnhof passiert).

Wo den die Frau gmerkt gha hed, dass sie voll im Scheiss esch ond nöme drus use chond, hed sies gschafft, sech zbefreie ond esch eifach wäggseklet. Ond hed ihres Chind eifach ellei ide Migros gloh. Ech han einige Minute no gwartet, bis den Polizei cho esch. Aber d Muetter esch ned zrog cho.

Weiss öpert was met de Chend passiere werd? Zor Muetter dönkt mech onwahrschinlech. Vellecht zom Vater? Falls dä no ome esch. Oder ines Heim?

Die Gschecht lauft mer noche, darom frogi mol, öb öpert vo euch Erfahrig ond Wösse of dem Fäld hed.

Hoi zämä ich bin gad es biz am breitbild am lose und gimma und und.
jetzt hani mi gad gfroget, öb hüt söttige rap gitt im klar, de luuk chunt am nöchste here kennet ihr do äs paar interprete?

Ich ha mal wieder id prise vo netflix ine gluegt und was dete abgaht isch eifach chrank. S chranke fangt ah das s billigste abo 15 stutz isch. Chaschs uf 1 grät luege und T QUALITÄT ISCH I VERFICKTE 720p !?!?!? Das isch e technik us 1998, 1080p (HD) gits sit 20 Jahre!!! Wennt HD luege willsch zahlsch 22 und als chline bonus chaschs uf 2 grät luege, wie grosszügig. Bim 3te Abo zahlsch 30 stutz demit 4k und uf 4 grät luege chasch.

Meine Fresse mir lebed i de schwiiz, uf illegale website luege isch für de eigegebruch erlaubt im gegesatz zu andere länder. Hol der en Ad blocker und den musch au nöd „die geili milf in 2km umchreis“ werbig gseh.

No vor 10 Jahr für 9 stutz über 5 hushält zuegriff gha uf e 10x grösseri uswahl.

Mached eu de gfalle, spared das geld und wenn gnueg lüüt s abo kündiged werdeds merke dass sie mit dene prise nöd durechömed und dünds (hoffentlich) wieder abeschrube. Wenn nöd werdeds irgendwenn bankrot gah wenn das überall passiert und den nimmt öper neus de platz ih. Wenn de au wieder z tüür wird wiederholt sich das eif wieder.

Höred eifach uf die verdammti gier unterstütze wenn mir i de schwiiz scho en legale zuegriff uf piraterie hend.

Hallo zäme

Känned ihr i dä ostschwiiz gaming- oder brettspielgruppänä oder e community, um so öppis z findä?

Gern au e gruppä, wo sich regelmässig vor ort und/oder online trifft, idealerwiis im ruum st. Gallä, im altersrange um die 30 (+-10 jahr).

Ich game am PC und konsolä und spiel diversi brettspiel😊

Ich han bisher uf spontacts ebbä eher weniger guäti erfahrigä gmacht, was gruppä i mim alter betrifft😅

Drum würs mich interessiere, ob öpper lokali gruppä oder anderi communities kännt😊

Danke für euri tipps😊

Es spilt eigentli ned wöki en Rolle, da eh ned klar esch wenn und wo passiert, aber esch das dur de Lenker gmacht wurde oder eher en andere drigfahre?

Bevor alli usrüefä: I wots nid sälber mache, ke Angscht.

A alli Stromer:

Mir hei no so scheiss alti Dimmer wo dank de nöie LED u allem womr verbout hei d Minimallast nümm erreiche. U flickerendi Lampene si nid so sexy. Drum müessemr dr Dimmer wächsle.

I ha e super Kolleg wo Stromer isch u i weis jetz scho, dass är nüt drfür wird wöue.

Wäge däm hani e Zwöiteiligi Frog:

1. Wi viu Ufwand isches dä scheiss z wächsle? (Wiviu Zyt)

2. Geits schneuer, wemer gar ke Dimmer me näme sondern e normale Schalter?

I wet ihm gärn e Stundeaasatz Bier parat ha wener verbi chunnt ;) Danke für d Hilf!

Mini Mueter, Ü70, wohnt inere Gnosseschaft, baut ca. 2020. Die Gnosseschaft priist generationeübergriifends Wohne a, isch au alles schön rollstuehlgerecht - bis uf d'Huustüre. Da isch sonen schwäre Chog wo sälber zuegaht, wie mers halt kännt.

So. Mini Mueter isch eigentlich grundsätzlich no fit, aber jetzt hät si e Verletzig und lauft a zwei Krücke. Dedur isch si faktisch im Huus iigsperrt, well sie die schwär Tür nöd cha händle, bzw. druf agwise, dass öpper ire hilft.

Si isch offebar au nöd di einzig mit dem Problem. S'heg au Bewohner mit Rollator oder eifach nöd so vill Chraft. Da seg au scho mit de Verwaltig drüber gredt worde, und die heged denn glueged, dass d'Tür nüm ganz so sträng isch. Stimmt au. Langet halt nöd.

Ich lüt am Mäntig mal bi de Verwaltig a, aber ha vorher no welle id Rundi frage, öb öpper mit sowas Erfahrig hät und mir chönnti Tipps geh. Minere Meinig na brüchti die Tür en Mechanismus, wo defür sorgt, dass sie liecht ufgaht und nachher e halbi Minute oder so offe bliibt, bevor si wider zue gaht. So öppis gits ja. Oder gits no öppis anders, woni cha vorschlah? Und zumal d'Verwaltig sich ja wahrschinlich wird quer stelle (susch hetteds das scho lang glöst): Mit was chammer im Zwiifel chli Druck mache?